Gjykata e Kurbinit do të japë sot masën e sigurisë për Alfred Prodanin, Drejtori i Ujësjellësit të Kurbinit.
Alfred Prodani është arrestuar për llogari të Spanjës, ndërsa mësohet se prokurori Bardhyl Shehu do të kërkojë në gjykatë caktimin e masës së sigurisë “arrest në burg” me afat 40 ditor, kohë kjo që do i lihet në dispozicion autoriteteve spanjolle për të sjellë në Shqipëri kërkesën e ekstradimit.
Sipas mandat arrestit të lëshuar në 2013 nga gjykata e Corunës, dhe të mbërritur pak ditë më parë në prokurorinë e Laçit, zyrtari i administratës shtetërore, rezulton i shpallur në kërkim, pasi dyshohet se ka marrë pjesë në disa vjedhje me dhunë, të banesave në Spanjë.
