Pas prokurorisë edhe avokatët e ish ministrit të Brendshëm Saimir Tahiri dhe ish shefit të policisë Jaeld Çela depozituan rekursin në Gjykatën e Lartë.
Ata kërkojnë pafajësi.
Nga ana e Prokurorëve të SPAK kërkohet rigjykimi dhe dënimi i Saimir Tahirit për trafik droge dhe pjesëmarrje në grupin kriminal të Habilajve.
Si prova në rekursin e paraqitur në Gjykatën e Lartë ata përmendin përgjime dhe dëshminë e të dashurës së Moisi Habilajt, punonjëse policie.
Ajo ka thënë se partneri i tregonte se Saimir Tahiri e ka ndihmuar. Po kështu sipas prokurorisë, Artan e Moisi Habilaj kanë përdorur për dy vjet një automjet që në letra ishte në emër të ministrit të Brendshëm të kohës.