Deputeti demokrat i Komisionit të Rithemelimit, Edmond Spaho, ka komentuar në A2CNN zhvillimet e fundit në Partinë Demokratike dhe legjitimimin e Kuvendit të 11 dhjetorit nga Gjykata e Tiranës.
Spaho tha se aktualisht PD drejtohet nga Komisioni i Rithemelimit, deri më 30 prill kur do të mbahet Kuvendi dhe do të zgjidhen drejtuesit e rinj.
“Pas 7 muajsh, përpjekje shumë të mëdha gjërat u vendosën në vendin e tyre, e drejta shkoi atje ku duhej. Pavarësisht hezitimeve që patëm nga opinipon publik provat treguan se ne kishim të drejtë. U deshën zgjedhjet e 6 marsit që ky kuptim të merrte formën e duhur dhe gjykata vendosi kush kishte të drejtë.
Në 11 dhjetor të gjithë drejtuesit e PD u shkarkuan nga detyrat, për rrjedhojë nuk kanë pse të pretendojnë se i mbajnë këto poste, edhe gjykata e dha verdiktin e saj.
Nuk ka as kryetar të komanduar as kryetar real, ka vetëm Komision të Rithemelimit deri më 30 prill kur do vendosen drejtuesit.”- tha Spaho.
