Ndërsa Lulzim Basha ka hyrë sërish në një proces ‘reflektimi’ pas humbjes së radhës në zgjedhjet e 6 marsit, deputetet e PD përsëritën kërkesën e gjithë grupit parlamentar, për largimin e Bashës dhe bashkimin e Partisë Demokratike, ndërsa këtë herë shprehin besimin se nuk i ka ngelur rrugë tjetër përveçse të bëjë një hap pas.
I gjendur pa mbështetjen e grupit parlamentar, Lulzim Basha deklaroi se është i gatshëm të bëjë gjithçka për hir të demokratëve, por pa e artikuluar ende dorëheqjen. Ndërsa kohës së reflektimit po i vjen fundit, më herët,deputetët kanë artikular edhe mundësinë për përjashtimin e Lulzim Bashës nga grupi parlamentar, në rast se do refuzojë të japë dorëheqjen. Për të folur më shumë në lidhje me këtë situatë ‘kaotike’ të krijuar në Partinë Demokratike, i ftuar në një lidhje me Skype në ‘Kafe Shqeto’ ishte Ferdinand Xheferri, deputet i PD-së.
Por nga ana tjetër kishim dhe atë që ne bazuar në shumë argumenta e etiketuam si ‘masakra zgjedhore’. Unë kam drejtuar Partinë Demokratike në Durrës dhe ne kishim evidencë të konfirmuar, një seri vendimesh të Këshillit Bashkiak që tregonte se si u shpërndanë para në mijëra familje në Durrës dhe të gjitha këto na çuan në dhënien edhe njëherë të besimit kundrejt zotit Basha.
Po,r me 6 mars shterruan të gjitha mundësitë për ta parë në një këndvështrim pozitiv lidershipin e zotit Basha. Sepse me 6 mars u prodhua evidencë që jo vetëm demokratët, por edhe elektorati gri nuk e mbështet atë. Sepse Basha humbi ndjeshëm edhe në raport me një lëvizje të krijuar vetëm pak muaj më parë. Në këto kushte u prodhuan argumentat për të rënë në zero nga të gjithë kolegët e grupit parmalentar, mbështetja për zotin Basha”, u shpreh Xhaferri ndër të tjera.