Tregjet ndërkombëtare të naftës dhe gazit natyror raportojnë se çmimet e karburanteve kanë rënë. Siç shihet dhe nga pamjet e mëposhtme, nafta e papërpunuar “Brent” ka rënë nga 170 dollarë që ishte, në 121 dollarë për fuçi.
Nafta “Brent” e njohur dhe si “Brent Blend”, “London Brent” dhe “Brent Petroleum” është standardi kryesor i çmimeve globale për naftën bruto. Ajo përdoret për të vendosur çmimin e dy të tretave të furnizimeve të naftës së papërpunuar të tregtuar ndërkombëtarisht në botë.
Në bursën europiane çmimi për fuçi ka rënë përsëri, pas disa ditëve rritje galopante. Efekti u shtri në të gjitha shtetet. Edhe në Shqipëri çmimet e karburanteve kapërcyen nga 180-190 lek për litër, në 250 lekë për litër. Mbetet për t’u parë nëse ulja e çmimit për fuçi do të ndikojë në tregjet shqiptare, në të cilat rritja u reflektua të nesërmen e luftës në Ukrainë.
