Nënkryetari i LSI, Petrit Vasili thotë se situata e Covid-19 është katastrofike, dhe kryeministri Edi Rama sipas tij po bën karagjozin. “O kryeministër boll bëre karagjozin. Bëhet fjalë për jetën dhe shëndetin e njerëzve dhe i ke lënë njerëzit në mëshirë të fatit e mjaft prej tyre nuk i blejnë dot ilaçet se nuk kanë para”.
Postimi i plotë
O Kryeministër janë mijëra e mijëra qytetarë me Covid çdo ditë, gjendja është katatrofike, fol e vepro për ta se për këtë paguhesh, apo ke devizen kush të rrojë, të rrojë se ty s’të bëhet vonë.
O kryeministër s’ka familje të paprekur nga Covid është emergjencë shëndetësore kombëtare në kulmin e saj.
O kryeministër boll bëre karagjozin. Bëhet fjalë për jetën dhe shëndetin e njerëzve dhe i ke lënë njerëzit në mëshirë të fatit e mjaft prej tyre nuk i blejnë dot ilaçet se nuk kanë para.
O kryeministet rimbursoji ilaçet për dhjetëra mijëra shqiptarë të infektuar me Covid se e ke detyrë me Kushtetutë e ligj.
O kryeministër apo detyrim ke që të paguash lek më lek vetëm inceneratorët.
