Protesta kundër ‘Open Balkan’ e tejkaloi interesin politik të Sali Berishës që organizoi protestën, pasi tregoi se shumë shqiptarë janë kundër kësaj nisme.
Kështu u shpreh në emisionin ‘Shock’ analisti Andi Bushati, e cili e cilësoi si pozitive protestën në Tiranë.
‘Që kur ka filluar minishengeni, që u transformua në Open Balkan dukej sikur shqiptarët shkojnë si dele pas dashurisë së Edi Ramës për Vuçiçin. Kjo është e para protestë për të thënë që një pjesë e shqiptarëve është kundër vasalitetit të Ramës ndaj Vuçiç’, u shpreh Andi Bushati.
Në Kuvend Berisha tha: ‘I them pasardhësit të Millosheviçit që do e ketë shumë keq kur të vijë në Shqipëri’.
Arsyeja e dytë lidhet me mosmarrëveshjet brenda PD-së, sipas Andi Bushatit.