Presidenti Ilir Meta ka reaguar pas akuzave të bëra nga kryedemokrati Lulzim Basha i cili në daljet e tij së fundmi e ka sulmuar vazhdimisht duke e quajtur si pjesë të “Trekëndëshit të Bermudës” ku sipas tij janë edhe ish kryeminsitri Sali Berisha dhe kryeministri Edi Rama.
Në një intervistë të mëparshme, Basha u shpreh: Demorkatët ia njohin bëmat dhe gjëmat Ilir Metës. Ndërsa i menjëhershëm ka qenë reagimi i presidentit i cili ka njoftuar një konferencë urgjente ditën e sotme në presidencë në orën 17:30 ku besohet se do të kundërpërgjigjet ndaj kryedemokratit. Njoftimin e tij Meta e ka shoqëruar me mbishkrimin: Do të keni një komunikim interesant në respekt të transparencës dhe fakteve.
Postimi i Plotë nga presidenti Ilir Meta:
Të dashur miq!
Ju ftoj të gjithëve të më ndiqni sot live në 17:30, në një komunikim interesant, në respekt të Transparencës dhe Fakteve.
