Gazetari Bledian Koka, në një intervistë për Ora News, ka treguar se ish-Kryeministri Sali Berisha, ‘Foltoren’ e radhës me demokratët do e mbajë në Vlorë.
Ai është shprehur se perfomanca në Vlorë do të jetë më e ndezur se ajo në Fier, dhe në Tiranë.
“Një performancë më e ndezur do të jetë në Vlorë, ku do të jetë dhe takimi i radhës së Berishës me demokratët. Pra baza po flet dhe po flet qartë.”- u shpreh Koka në intervistën për gazetarin Arnold Kariqi.
Ditën e djeshme, Berisha mbajti ‘Foltoren’ në Fier, ku u prit me entuziazëm nga demokratët, ndërkohë që në fjalën e tij nuk kurseu akuzat për Kryeministrin Edi Rama dhe Kryedemokratin Lulzim Basha.
Berisha e nisi turin e tij, më 16 shtator në Tiranë. Kjo lëvizje e Berishës, erdhi pas Basha e përjashtoi nga grupi parlamentar i PD më 9 nëntor, një ditë para se parlamenti të niste punimet./
