Në seancën e dytë plenarë të zhvilluar në orën 17:00 u bë votimi për kryetare Kuvendi.
Mazhoranca ka propozuar emrin e Lindita Nikollës për kryetare të Kuvendit.
Propozimi mbante firmën e kryeministrit Edi Rama dhe 16 deputeteve gra nga radhët e socialistëve.
Anëtari më i vjetër në moshë ishte kryetar i komisionit të votimit i cili shpalli dhe rezultatin. Komisioni i votimit përbëhej nga 5 anëtarë, 3 nga mazhoranca dhe 2 nga opozita.
Nga mazhoranca u depozituan emrat e deputetëve Fadil Nasufi , kryetar, Klevis Xhoxhi anëtar dhe Shpresa Marnoj anëtare. Nga opozita Greta Bardeli dhe Belind Këlliçi, anëtarë.
Të 140 deputetët e rinj të cilët u betuan ndërkohë që zonja Luljeta Bozo lexonte formulën e betimit duhej të votonin për kryetaren e re të Kuvendit.
Por, deputetët demokratë, në shenjë proteste, i kanë grisur fletët e tyre të votimit duke i hedhur në tokë, ndërsa LSI votoi kundër.
Mes deputetëve që i kanë grisur fletët e votimit ishte dhe kreu demokrat, Lulzim Basha.
Zyrtarisht Lindita Nikolla u zgjodh kryetare e Kuvendit.
Në votim morën pjesë 137 deputetë, nuk morën pjesë 3 deputetë. Nikolla u zgjodhe kryetare me 79 vota pro dhe 4 kundër.