Kryeministri Edi Rama e mohon që lënia jashtë qeverisë e disa figurave të rëndësishme të PS-së si Majko, Klosi apo Braçe nuk lidhjen me ndonjë pastrim të partisë.
“Pikët e sondazhit tregojnë një opinion, por nuk tregojnë të tjerat. Sa u përket ministrave skuadra jonë ka 3 komponentë. Skuadra jonë është në qeveri, është në parlament është në parti. Vendet nuk janë të dhëna një herë e përgjithmonë.
Peshën politike e përcaktojnë zgjedhësit. Qeveria nuk është asnjëherë thjesht dhe vetëm një ekip i kornizuar nga vetë partia. Ne gjithnjë kemi pasur njerëz në qeveri që kanë ardhur nga fusha të tjera dhe tani janë në parti” – tha Rama në Opinion.
