Deputetja e PD-së Oriola Pampuri e ka vlerësuar mjaft zgjedhjen në Kryesinë e re të PD dhe i ka falenderuar të gjithë ata demokratë që i besuan dhe e votuan.
“Ku ka më mirë se të ndjehesh e vlerësuar nga kontribues të hershëm e deri tek anëtarë të rinj të Këshillit Kombëtar, – shkroi Pampuri në Fb. – Kam punuar me gjithë zemër, sepse e dua Partinë Demokratike dhe ju siguroj që besimi që të gjithë ju më dhatë do të përkthehet në punë, përkushtim, përgjegjshmëri dhe dinjitet, ashtu sikurse ju meritoni të përfaqësoheni.
Ju jam me gjithë zemër mirënjohëse, ju falenderoj të gjithëve; Shkodrën, Dibrën, Vlorën, Gjirokastrën, Korçën, Durrësin, Fierin, Kukësin, Lezhën, Elbasanin, Beratin dhe Tiranën. Ju falenderoj me gjithë zemër.”
