Burime të shumta kanë deklaruar se SHBA ka planifikuar që në Shqipërinë të strehohen rreth 2 mijë afganë. Pas shtyrjes 24 orë që raportoi VOA, mësohet se 300 afganët e parë pritet që të mbërrijnë në Rinas pasditen e sotme rreth orës 17:00.
Sipas kryeministrit të vendit Edi Rama, afganësh të cilët janë strehuar në bazat amerikane deri në momentin e evakuimit pas pushtimit të Kabulit nga talebanët, do të qëndrojnë përkohësisht në venin tonë deri sat u bëhen procedurat e vizës për në SHBA. Por ditën e djeshme kryebashkiaku Erion Veliaj zbuloi “pa dashje”, se më të mirët prej tyre mund të qëndrojnë edhe përgjithmonë.
Fakt është se qeveria shqiptare po e kryen këtë operacion, në mungesë të plotë të transparencës. Nuk ka asnjë njoftim zyrtar për numrin e saktë të afganëve që kanë rënë dakord me SHBA për të strehuar, as për vendstrehimet e tyre dhe as për kohën sa do të qëndrojnë.
Vetëm nëpërmjet burimeve kontradiktore është thënë, se shumë prej tyre do të strehohen në konviktet e Qytetit Studenti dhe të tjerë në hotelet në qytetin bregdetar të Durrësit.
