64-vjeçari Andrea Haxhiaj, i cili humbi jetën tragjikisht për shkak të flakëve të rëna pranë shtëpisë së tij në fshatin “Asim Zeneli” në Gjirokastër është përcjellë këtë të mërkurë në banesën e fundit.
Si pasojë e flakëve mbeti e dëmtuar edhe bashkëshortja e tij e cila po merr trajtim në spitalin rajonal Gjirokastër.
Çifti i bashkëshortëve janë përpjekur të shuajnë flakët e zjarrit, por fatkeqësisht kjo rezultoi fatale për 64-vjeçarin.
64-vjeçari është viktima e parë e shënuar nga zjarret që kanë përfshirë ditët e fundit vendin tonë.
Më herët ministri i Mbrojtjes, Niko Peleshi i ka bërë thirrje banorëve të zonave të cilat janë të rrezikuar nga zjarri të mos bëjnë rezistencë, por të lajmërojnë autoritetet dhe të largohen nga banesat e tyre.
