Disa studime tregojnë se nevoja për ushqime të kripura shoqërohet me mungesë të kalciumit
Sa herë ju ka kapërcyer papritmas një dëshirë e madhe për ëmbëlsirat?
Në të njëjtën mënyrë, ndodh që njerëzit të ndiejnë një dëshirë të madhe për një filxhan kafe tjetër ose kur nuk mund të hanë një vakt nëse nuk shtojnë kripë shtesë paraprakisht.
Shumë studime në fushën e mjekësisë holistike tregojnë se dëshira për ushqime të caktuara është një shenjë e qartë se trupi ynë po përpiqet të na tregojë se kemi nevojë për më shumë lëndë ushqyese.
Për çfarë përpiqet t’ju paralajmërojë trupi kur ndieni një nevojë të shpeshtë për diçka të ëmbël, ushqim të kripur ose kafe?
Ëmbëlsirat
Hulumtimet tregojnë se dëshira për ëmbëlsira është një shenjë e mungesës së magnezit.
Gratë që konsumojnë një sasi të mjaftueshme ditore të këtij minerali përjetojnë simptoma të PMS në një masë shumë më të vogël sesa ato që kanë mungesë të këtij minerali. Sasia e pamjaftueshme e magnezit në trup mund të rrisë simptoma të caktuara gjatë ciklit menstrual, siç janë nervozizmi, mbajtja e lëngjeve ose dhimbje koke.
Zgjidhja: Rritni marrjen tuaj të ushqimeve të pasura me këtë mineral, të tilla si spinaq, bishtajore, arra ose fara.
Sigurohuni që secili prej vakteve tuaja të përmbajë disa nga ushqimet e përmendura dhe dëshira për ëmbëlsira gradualisht do të ulet, shkruan injournal.rs.
Ushqim i kripur
Nëse ju pëlqen të shtoni kripë shtesë në çdo vakt, trupi juaj dehidrohet vazhdimisht gjë që mund të shkaktojë shumë probleme.
Disa studime tregojnë se nevoja për ushqime të kripura shoqërohet me mungesë të kalciumit, kështu që shumë njerëz që janë në dieta që kanë shumë pak ushqime të pasura me këtë mineral, kanë dëshirë për ushqime të kripura.
Zgjidhja: Përfshini në dietën tuaj ushqime të tilla si kefir, kos, djathë tofu, bajame, susam ose sardele.
Kafeinë
Dëshira për kafeinë është pak më ndryshe sepse mund të jetë çështje e zakonit.
Nëse puna që bëni është bërë e pakuptimtë për ju ose jeni të detyruar të kryeni vazhdimisht aktivitete të tjera që i konsideroni të panevojshme, mund të ndjeni një dëshirë të vazhdueshme për kafe.
Zgjidhja: Për fillestarët, është mirë të dinë se kafeina është një stimulues, por nuk ju jep energjinë që ju nevojitet.
Nuk ka asgjë të keqe të pini një ose dy filxhanë kafe në ditë, megjithatë, nëse nevoja juaj është shumë më e madhe, mendoni se cilat emocione po përpiqeni të shtypni.
