Një nga specialistët e turizmit malor në Shqipëri, Ndoc Mulaj ka publikuar në facebook e tij video ku liqeni i Komanit duket i mbuluar nga mbeturinat.
Mulaj shkruan se në prill liqeni ishte pastruar ndërsa sot ai është ndotur sërish.
“Kjo është situata sot në liqenin e Komanit, pas atij super aksioni që bëmë në prill dhe pas një punë mjaft të mirë e të lavdërueshme që ka bërë KESH dhe Bashkia e Vaut të Dejës më pas për heqjen e vazhdueshme të mbeturinave afër digës. Pra nga po vijnë…?! Ju varkatarë, nëpër kasetofonat tuaj të varkave, duhet të lëshoni atë këngën “Prej te Molla e Kuqe…” sepse po thonë që aty përballë Mollë Kuqe po shkarkohen kamjonat me mbeturina”, shkruan Mulaj.