Një italian 50-vjeçar me precedent penal ka plagosur me thikë një murator shqiptar rreth 47-vjeç në Rivoltella di Desenzano në Itali.
Sipas informacioneve, sherri ndodhi jashtë një lokali, pasi debati verbal agravoi dhe italiani nxori thikën duke qëlluar shqiptarin në krah.
Deri në momentin e mbërritjes së ambulancës shqiptarit në ndihmë i erdhi një mjek që u gjend rastësisht në vendin e ngjarjes duke bllokuar gjakderdhjen.
Disa orë më pas autori i fshehur në shtëpinë e një çifti u prangos, ndërsa tashmë do të akuzohet për vrasje të mbetur në tentativë./ abcnews/
