Kryeministri i vendit Edi Rama, premtoi në muajin Shkurt se spitali i Laçit do të jetë gati dhe se do të punohen me 3 turne për ndërtimin e tij por duket se prej 2 muajsh punimet janë ndalur.
Realiteti në terren është krejt ndryshe nga ajo çfarë është premtuar kohë më parë nga kryeministri Edi Rama. Punimet për spitalin e Laçit, prej 2 muajsh janë në pritje.
Përballë kësaj situatë të rinjtë kurbinas, por jo vetëm kanë protestuar për zvarritjen e punimeve, për mungesën e transparencës.
Ata e kanë cilësuar spitalin jetik për 74 mijë banorët e zonës, ndërsa në kohë pandemie situata ka qenë tejet problematikë
Protestuesit kanë kërkuar reagim nga instancat shtetërorë, në të kundërt do të përshkallëzojnë protestat para Kryeministrisë dhe Ministrisë së Shëndetësisë.