Ish-kryeministri, Sali Berisha akuzon mazhorancën socialiste për shitblerje vote.
Përmes një postimi në faqen e tij zyrtare në fb, Berisha, publikon mesazhin e një qytetari dixhital, të shoqëruar me foto, duke akuzuar se janë shpërndarë ushqime në këmbim të votës.
“Për relaks!
Në kërkim të tradhtarëve!
Sot strukturat e PS në Kombinat kanë marrë mesazhin që vijon në grupin e tyre në WhatsApp“,- janë fjalët që shkruan Berisha
Bashkëngjitur publikon edhe mesazhin e qytetarit dixhital.
“Sa tradhëtare kemi brenda partisë që i shpërndajnë këto foto të Sali Berisha“
“Përshëndetje dr. Ky sms është shkruar sot në grupin e Whatsapit të strukturave në kombinat për fotot e publikuara nga ju në fb për blerjen e votave me ushqime të cilat jane të verteta dhe jo mashtrime. Të përshëndes.“
Postimin e tij, Berisha e shoqëron me disa foto, të cilat sipas tij janë ushqime të shpërndara në ditën e heshtjes elektorale.
“Ushqime për votë në Kombinat shpërndarë ditën e heshtjes elektorale nga stafet e Ndrikull Gryksisë!“,- shkruan Berisha.
