Ambasada e Shteteve të Bashkuara të Amerikës në Tiranë, ka publikuar një video me rastin e nisjes së stërvitjes së NATO-s në Shqipëri “Defender Europe 21”.
Në njoftimin në rrjetet sociale, ambasada shkruan se SHBA-ja është e lumtur që Shqipëria e pret këtë stërvitje, pjesë e së cilës janë 28 mijë forca nga 26 kombe. Ato do të kryejnë operacione të njëkohshme në më shumë se 30 zona trajnimi në 12 vende.
“Ne jemi të lumtur që Shqipëria pret Defender Europe 21. Si pjesë e stërvitjes ushtarake, afërsisht 28 mijë forca shumëkombëshe nga 26 kombe do të kryejnë operacione gati të njëkohshme në më shumë se 30 zona trajnimi në 12 vende”, thekson ambasada e SHBA në Tiranë.
