Prej orës 07:00 të mëngjesit të sotëm ka nisur procesi i votimit për zgjedhjet parlamentare në vendin tonë. Pjesëmarrja deri më tani është e lartë, ndërkohë që mbeten më pak se dy orë nga mbyllja e procesit të votimit.
Gazetari Arian Çani ka bërë një parashikim në Klan News, ku është shprehur se nëse numri i votuesve i kalon 1.6 milion, atëherë fitorja e opozitës është e sigurt.
Teorikisht duhet të jetë në favor të rotacionit. Pjesëmarrja e madhe favorizon gjithmonë sfidantët e pushtetit dhe jo pushtetin vetë. Kjo është teorikisht, por asgjë nuk është e sigurt. Nëse kjo konsiderohet e lartë si përqindje dhe nëse do rritet akoma dhe më shumë, normalisht shenjat janë që do kemi rotacion. Me aq sa kam punuar këto ditë dhe sidomos sot, shifrat për t’i bërë më të tjeshta për publikun, nëse në fund të ditës së sotme ne marrim vesh që numri i pjesëmarrësve në votim nuk do jetë më shumë 1 milionë e 400 mijë shqiptarë, favorizon mazhorancën. Nëse ky numër do rritet, me një rritje 250-300 mijë. Pra nëse do mbërrinte numri në mbi 1 milionë e 600 votues, specialistët e zgjedhjeve thonë që fitorja e opozitës është e ngushtë por e sigurt”, deklaroi Çani.
