Një skamje, një mjerim, një panorama migjeniane në Shqipërinë e vitit 2021i është shpalosur para syve sot, kandidatit të PD-së Flamur Noka në fshatin Zall Herr.
“Rrok Vata dhe bashkëshortja e tij kujdesen për nipin e tyre, ndonëse, deri dy muaj më parë, të vetmet të ardhura që kishin, ishin nga kempi i kryefamiljarit.
“Prej 8 vitesh nuk kemi marrë asnjë ndihmë nga shteti. Vetëm dy muaj më parë na kanë lidhur ndihmën ekonomike.
Nusja e djalit ka ndërruar jetë, por në kompjuterat e shtetit, ajo figuron ende si e punësuar” – i tregojnë Rroku dhe bashkëshortja e tij, Nokës.
“Më shumë se fjalët, për gjendjen e vështirë në këtë familje flasin pamjet, – tha kandidati i PD-së duke publikuar videon. Edi Rama është autori i mjerimit në vendin tonë. Ndaj, për t’i kthyer Shqipërisë dhe qytetarëve të saj dinjitetin, më 25 prill duhet të gjithë të votojmë ndryshimin!”
