Ish-ministri i Drejtësisë, Ylli Manjani ka bërë mëngjesin e kësaj të premteje një denoncim të fortë, për vaksinën kineze e cila po injektohet në masë në vendin tonë.
Manjani ka postuar në FB fotografinë e një vaksine kineze të prodhuar në Turqi, e cila po përdoret në qytetin bregdetar ku duket qartë se është e skaduar që në datën 6 prill.
“Dikush sapo më solli këtë foto, që më përshkruan se është bërë sot tek qendra e vaksinimit në Vlorë. Nëse është kështu, siç tregon foto, vaksina është qartësisht e skaduar. Injektimi i kësaj vaksine në trup është minimalisht i paefektshëm, maksimalisht i rrezikshëm. I lutem cilitdo gazetar ta verifikojë këtë gjë. Njëkohësisht prokurorit të Vlorës, i lutem ta verifikojë këtë gjë. Pavarësisht skepticizmit tim personal mbi vaksinën, lutem të mos jetë e vërtetë që njerëzve u injektojnë vaksina të skaduara! Po institucionet publike duhet të marrin përgjegjësinë ligjore ta verifikojnë e nëse del e vërtetë ta ndalojnë këtë poshtërsi e të ndëshkojnë përgjegjësit”, shkruan Manjani.
Duket se mijëra njerëzëve po ju injektohen vaksina të skaduara duke rrezikuar shëndetin e tyre. Ndërkohë nga prokuroria nuk ka asnjë shenjë, se të paktën po bën verifikimin e këtij skandali.
