Zheji: Kryeministri qesharak, përdori çështjen e aeroportit për fushatë!

0
264

Analisti Artur Zheji, i ftuar në emisionin “Pikat mbi i” në “News 24” deklaroi se Berisha dhe Meta na paraqiten si gogoli, pikturuar nga Rama.

Zheji theksoi se kryeministri u duk qesharak në këtë çështje dhe se gjithçka është bërë për benefite elektorale.

“Rama duhet ta shuante protestën gradualisht. Një njeri që ka shqetësim se ka humbur kontrollin e aeroportin, do të thotë se do ta zgjidh çështjen të bëhet çfarë të bëhet dhe e kishte mundësinë nëpërmjet Albcontrol. Nuk është çështje parash. Rama ka bërë teatër elektoral. Një ngërç të vogël e shndërron sikur është ngjarje e madhe.

Rama del qesharak. Kontrollorët ishin të habitur se nuk kishte negociatë, por kishte dorë të fortë. Nuk e shoh si mollën e sherrit politikën. Jetojmë në një vend ku mund të plasë një bombë e madhe, edhe për një cigare të vogël, për të marrë benifite elektorale. Rama tentoi që të fusë paranojë te opinioni publik. Rama po i jep të drejta vetes, sikur jemi në kohë lufte. Grushti i shtetit është që të mbajë të gjitha pushtetet dhe po i merr të gjitha. Rama na tregon se është “unë jam komandanti i Përgjithshëm”. Del e na thotë “vaksinoheni”. Rama del e na bën rolin sikur është shpëtimtari, sikur po iu shpëtoj jetën. Po eksporton paranojë në opinion publik”, u shpreh Zheji.

Zheji thotë se Rama me qeverinë mezi prisnin një ngjarje të tillë për të treguar muskujt. Ai thotë se me qëllim nuk u përdorën negociatat, por Rama e agravoi me qëllim për të bërë filmin ‘’Grusht Shteti’’.

Ai po ashtu thotë se kryeministri e përdori gjithë situatën për qëllime elektorale duke treguar se kush është ‘bosi’ dhe në fund morali del për të votuar atë në zgjedhjet e 25 prillit.

 

‘’Thjesht doja që mos ftohej pika më pikante e arsyetimit. Qasja ime është, paksa ndryshe. Unë mendoj se këtu kemi të bëjmë me një reagim, qëllimisht të fortë, proporcional.

Unë që nxjerr pistoletën dënohem, jo ai që gjuan me gurë. Duket sikur mazhoranca, kryeministri dhe ato gjymtyrët e veta më plastike, mezi kanë pritur të kishte ngjarje për të treguar muskujt përtej normales. Për të trembur shqiptarët, pë të thënë zoti i shqipërisë jam unë. Që unë vendos kur shërohet Shqipëria, autoriteti policor e ushtarak më nënshtrohet mua.

Rama punon me film, sheh filmin grusht të shtetit. Ai duhet të ketë 2-3 ideatorë djallëzorë. Direkt Meta e Berisha. Dy ekzekutorët, ishin kontrollorët. Tre koordinatori okult i ekzekutorëve, leshko.

Rrezikshmëria e grushtit të shtetit për t’u marrë peng aeroporti, aktivizojmë ushtrinë. I duhet Ramës për të bërë të besueshme atë që tha. Nuk është ekzagjerim emocional, por etiketim i qëllimshëm për parakalimin e forcave. Për qëllime elektorale, thotë unë jam bosi, këta janë të këqijtë, tenuan grusht shteti, morali në fund më votoni mua.

E mori një fije shkrepëse dhe e bëri zjarr. Nuk them unë se i futi kontrollorët vetë në grevë.

Pse nuk u përdor negociata? Me qëllim. Nuk mund të besoj që kryeministri jonë është i çmendur. Unë mendoj që enkas, kryeministri e përdori këtë situatë, e agravoi këtë situatë. I duhej e agravuar. E tensionuar. Që të këqijtë, kundërshtarët politikë të bllokojnë vaksinat ,aeroportin, Berisha, Meta, e bëri, e keqja dhe e mira. Zbarkuan çlirimtarët turko-grekë. Nuk thashë që e kam shpikur. I ka ardhur kjo situatë. Ndoshta dhe e ka mirëpritur. Kishte dy mënyra. Nëse themi, që Rama nuk është i çmendur. Dhe Rama është i mënçur. Nëse biem dakord tek kjo, atëhere si vepron një i mençur. Pyetja ime është, si vepron, veprimi i njeriut me mençuri mesatare vepron kështu. Merr Ballukun, shko hidhi ujë zjarrit. Nuk dua sherre, debate gjatë fushatës. Nëse Balluku do të kishte kartën nga kryeministri, do e zgjidhte, qoftë përkohësisht. Ta shuante zjarrin apo ta ndizte? Ai bëri atë që nuk pritej, e ndezi zjarrin. Grusht shteti ësthë fjalë e madhe, u trajtuan si armiq ata, jo si punonjës të kualifikuar të pakënaqur. U përgjuan, arrestuan, dhe u nxorën para popullit si maskarenj që paguhen shumë. Ky operacion i del me sukses elektoral atij. 15 ditë para ikjes potencialet e tij për kryeministër për mandatin e tretë. ‘’- tha Zheji.

Web Agency, Digital Agency, Web Development Agency

LEAVE A REPLY

Please enter your comment!
Please enter your name here