I deleguari i LSI-së në qarkun e Elbasanit, Ermir Gjinishi shprehet se pas 25 Prillit Elbasani sdo jetë më qarku i dytë më i varfër në Shqipëri.
“Elbasani është zemra e korridorit të 8-të. Është vend i bekuar, me resurse natyrore të jashtëzakonshme dhe potenciale intelektuale të mjaftueshme për zhvillim”, shprehet Gjinishi.
Postimi i plote
Pranvera e ndryshimit nis nga Elbasani! Pas 25 Prillit Elbasani sdo jetë më qarku i dytë më i varfër në Shqipëri. Nuk do të jetë më qarku me papunësinë dhe emigracionin më të madh në vend. Nuk do të jetë më qyteti i kronikës së zezë. Elbasani ynë është djepi i arsimit, kulturës dhe qytetarisë. Elbasani është zemra e korridorit të 8-të. Është vend i bekuar, me resurse natyrore të jashtëzakonshme dhe potenciale intelektuale të mjaftueshme për zhvillim. Së bashku, për Elbasanin, për rininë, për të ardhmen e fëmijëve tanë, për amanetin e të parëve, lulishten e trëndafilave dhe vendin ku këndojnë bylbylat. #Shqipëria shtëpia jonë.
