Gjykata e Tiranës i ka hequr masën e sigurimit ‘pezullim nga detyra’ Artan Shkëmbit, ish drejtori i OFL, i cili u denoncua nga shërbimet gjermane se kishte spiunuar hetimin e tyre tek dy të dyshuar shqiptarë.
Gjykata ka konstatuar shuarjen e masës për shkak të përfundimit të afatit 6 mujor.
Shkëmbi u hetua fillimisht nga SPAK për ‘korrupsion’ dhe ‘nxjerrje sekreti hetimor’.
Tre javë më parë dosja i kaloi për kompetencë Prokurorisë së Tiranës, pasi rezultoi se nuk ka ‘korrupsion’.
Sipas SPAK, nuk janë gjetur prova që Shkëmbi të kishte nxjerrë sekretin hetimor.
