Ambasadorja e SHBA-së, Yuri Kim është shprehur e tronditur për ndarjen para kohe nga jeta të Gjeneral Ndriçim Sallakut, Komandantit të Komandës Mbështetësve të Forcave të Armatosura të Shqipërisë për shkak të COVID-19.
“Jam thellësisht e trishtuar dhe e tronditur nga vdekja e Gjeneral Ndriçim Sallakut, – shkroi zonja Kim në Twitter. – Unë dhe shumë amerikanë të tjerë patëm nderin ta njohim këtë patriot dhe të punojmë me të për të forcuar partneritetin. Ai u largua shumë herët nga kjo jetë. Ne i shprehim ngushëllimet më të thella familjes së tij. U prehtë në paqe!” përfundon Ambasadorja Amerikane.
