Kryetari i Forumit Rinor të Partisë Demokratike Belind Këlliçi ka publikuar në faqen e tij në facebook foto nga takimi që ka zhvilluar në Mëzez.
“Ne jemi para faktit të pakundërshtueshëm se të rinjtë kanë ikur nga sytë-këmbët, se fëmijët shqiptarë lindin debitorë e kanë mbi kurriz një borxh publik që Rama e ka thelluar sa s’ka ku të vejë më”, shkruan Kelliçi në shenimin e tij
Ja postimi i plotë:
8 vjet më parë Edi Rama premtonte bashkim zemrash dhe mendjesh për shëndetësi falas, arsim cilësor, 300 mijë vende pune, e shumë të thëna në atë që ai e quante “Rilindje”. Sot fjala “Rilindje” nuk përmendet gjëkundi.
Slogani i dalë boje nuk bën më punë. Asnjë eksponent i PS nuk e zë në gojë. Doemos, ç’ka për të thënë!
Ne jemi para faktit të pakundërshtueshëm se të rinjtë kanë ikur nga sytë-këmbët, se fëmijët shqiptarë lindin debitorë e kanë mbi kurriz një borxh publik që Rama e ka thelluar sa s’ka ku të vejë më. Më 25 prill, të ndalojmë Ramën dhe boshatisjen e vendit nga të rinjtë! Edhe 40 ditë na ndajnë nga fitorja!