Zbardhen detaje të reja nga arrestimi i vrasësit të Behar Sofisë, mbrëmjen e kaluar në Mal të Zi.
Në pranga ka rënë 23-vjeçari Ernejt Shyri, i cili ka pranuar krimin para autoriteteve të drejtësisë.
“Balkanweb” shkruan se vrasja e Sofisë dyshohet të jetë kryer me pagesë, ndërsa policia ka arrestuar edhe tre bashkëpunëtorët e 23-vjeçarit, të cilët janë nga Kërraba dhe Fushë Kruja.
Sa i takon autorit të krimit, 23-vjeçarit Shyti, mësohte se ishte nga Kërraba, por jetonte me qira me nënën e tij, në kryeqytet, te rruga “Bardhyl”.
Ai është identifikuar nga ADN-ja që është zbuluar në rrobat, që braktisi te liqeni, pas vrasjes.
Behar Sofia u ekzekutua në zonën pranë piramidës dhe katedrales katolike së kryeqytetit kur sapo kishte dalë nga një qendër tregtare.
Pasi e ka ndjekur viktimën për rreth 30 metra autori e ka qëlluar me pistoletë nga një distancë e afërt ne trup dhe në kokë.
Autori i veshur me kostum sportiv të errët me kapuç dhe maskë anticovid është larguar më pas qetësisht me biçikletë drejt bulevardit të Tiranës e më tej drejt liqenit artificial aty ku edhe ku dyshohet se ka hedhur rrobat.