Teksa nuk na ndajnë shumë nga protesta e orës 18:00 në kryeqytet pas vrasjes së të riut Klodian Rasha, i cili dy ditë më parë theu orën policore dhe nuk iu bind urdhrit të policit për të ndalur, veprim që e pagoi me jetën e tij, policia ka ndërmarrë të gjitha masat për t’iu paraprirë çdo situatë të mundshme.
Siç shihet dhe nga fotot, në Kryeministri do të stacionohen dhe autoblinda të policisë. Gjithashtu mesohet se në terren ditën e sotme do të jenë 800 punonjës policie, ndërsa tubimi thuhet se do të nisë nga Ministria e Brendshme.
