Presidenti Ilir Meta ka shprehur dhimbjen e tij të madhe nga ndarja nga jeta e Marko Bellos, një miku, një bashkëpunëtori dhe një bashkëudhëtari aktiv në skenën politike të viteve të demokracisë.
“Sa shumë dhimbje nga kjo ikje e parakohëshme e një miku, bashkëpunëtori, kolegu, intelektuali aktiv, qytetari model e familjari shembullor! – shkroi Meta mëngjesin e së premtes në Fb. – Zoti iu dhëntë forcë Silvanës, fëmijëve e të afërmve për këtë humbje kaq të madhe, që na tronditi të gjithëve këtë mëngjes!
Ngushëllimet më të ndjera! Përherë i paharruar në kujtimet tona! Lamtumirë i shtrenjti ynë Marko Bello!”
Ish-deputeti i PS Marko Bello ka ndërruar jetë në Turqi, gjatë mesnatës, në moshën 59-vjeçare nga Covid-19.
