Kryetari i opozitës Lulzim Basha e ka ballafaquar premtimin kryesor të kreut të qeverisë, Edi Ramës, për “shëndetësi falas” me shifrat reale të Oorganizatës Botërore të Shëndetësisë.
Një analizë e OBSH-së për 4 vitet e fundit në Shqipëri ka treguar se 8% e familjeve shqiptare u varfëruan nga shpenzimet që duhet të bënin për t’u kuruar kurse 12% e kaluan edhe më rëndë.
“Rama premtoi shëndetësi falas për shqiptarët. Ai gënjeu, – reagoi Basha sot në Twitter. – OBSH raporton se 8% e familjeve shqiptare ranë në varfëri prej shpenzimeve të larta shëndetësore.
Rama e ka humbur kontrollin mbi pandeminë. Shëndetësia dhe ekonomia janë në kolaps, – ka theksuar kreu i opozitës dhe ka përfunduar me këtë premtim: “Së bashku do ta mundim këtë të keqe, do ta shërojmë Shqipërinë dhe do të sjellim shpresën dhe të ardhmen që dëshiron çdo shqiptar.”