Ministria e Shëndetësisë njoftoi se Komiteti Teknik ndaj Covid do të ketë një deklaratë për mediat në orën 15:30. Në media është raportuar se në këtë deklaratë mund të njoftohen masa të reja shtrënguese me qëllim parandalimin ndaj koronavirusit.
Rastet e reja me Covid dhe ato aktive, prej javësh tashmë janë në rritje dhe ekspertët e Komitetit Teknik janë shprehur se duhet të ketë masa të tjera, pas vendimit për vendosjen e maskave me detyrim dhe në ambientet e jashtme.
Anëtarë të komitetit kanë hedhur idenë e mbylljes së restoranteve dhe lokaleve në Tiranë, ku sipas shifrave zyrtare të Ministrisë së Shëndetësisë, janë përqendruar rastet e infeksionit.
Javën e kaluar u raportua po ashtu për një kthim të mundshëm të kufizimit të orarit të lëvizjes.
Mbetet për tu pritur deklarata e Komiteti Teknik për të tjera detaje.
