Ish-deputeti i PD-së Endri Hasa ka reaguar në Facebook,për situatën me të cilën po përballet vendi në kohën e Covid-19.
Sipas ish-deputetit numri i gjobave ditore nuk është zgjidhja e duhur, por investimi për të përballuar pandeminë.
Hasa deklaron se qyteti që ai përfaqsonte në parlament, është një ndër vatrat kryesore të virusit dhe masat e marra nga Qeveria nuk janë të duhurat. Ish-ligjvënësi thekson se në Elbasan mungojnë tamponët dhe rastet e reja positive nuk gjurmohen.
Postimi i Endri Hasa:
“600, 700, 1000 qytetarë janë gjobitur për mosmbajtjen e maskës.”
Kjo fjali që përsëritet çdo ditë nga qeveria në ikje është e vetmja arritje e saj, por gjobat kundër qytetarëve nuk janë zgjidhja. Për të përballuar pandeminë duhen investuar para.
Çdo ditë po bëhet më keq, jo për fajin e qytetarëve, por për fajin e qeverisë.
Elbasani është një nga vatrat më të nxehta të COVID-it, por masat janë pothuajse inekzistente.
• Nuk ka tampon për të kryer testime.
• Nuk ndiqet zinxhiri i infektimeve.
• Përgjigjet vijnë shumë vonë, kur sëmundja ka përparuar, duke vënë në rrezik serioz jetën e qytetarëve.
Të paktën, paratë e gjobave për maskat të mos i harxhojnë për të paguar incineratorët apo për zyra luksoze, por të blejnë tamponë, që të mos lënë njerëzit në mëshirë të COVID-it.’
