Kosova ka dyfishuar subvencionin për sektorin e bujqësisë me synim përballimin e krizës ekonomike që shkaktoi pandemia. Lajmin e dha vetë Kryeministri Avdullah Hoti në rrjetet sociale:
“Dyfishim i subvencioneve për bujqësi – shkroi Hoti në 6 tetor. – Sot në takim me disa nga vreshtarët dhe verëtarët e komunës së Rahovecit, kemi shpalosur prioritetet e Qeverisë në përballimin e situatës së shkaktuar nga pandemia COVID 19, për dyfishimin e subvencioneve në sektorin e bujqësisë dhe në disa fusha të tjera që ndikojnë në zhvillimin e këtyre sektorëve.
Nga 24 milionë, janë bërë 48 milionë euro për subvencione në bujqësi. Për vreshtat, subvencionet rriten nga 1 mijë në 2 mijë euro për hektarë, ndërkaq për litër të verës rriten nga 4 cent në 8 cent për liter.”
