Ish kryeministri Sali Berisha është i ftuar në “Zonë e Lirë” mbrëmjen e sotme, për të folur mbi ngjarjet e aktualitetit në vend dhe jo vetëm.
“A mendon që pas 3 nëntorit kur të merret vesh kush do fitojë zgjedhjet në SHBA, s’do dëgjojmë më aq shumë mbi Covid-19?”, e ka pyetur Arian Çani Sali Berishën.
“Nuk mendoj se s’do ketë, përsëri do flasim për Covid. Janë të gjitha hipoteza, por Covid është një realitet. Ka aspekte të cilat ndikohen nga faktorë elektoralë… nëse çështja e vaksinave ka marrë karakter politik elektorale, kurba e infeksionit, ato janë objektive. Derisa jemi në moment kur nuk kemi vaksinë, nuk është faktuar ndonjë ilaç me efekt të ndjeshëm, atëherë sigurisht pandemia do jetë mes nesh”, është përgjigjur Berisha.
