Nga Edmond Panariti
Kush e shpall dhe e mbron Sovranitetin dhe të drejtat sovrane të Shqipërisë?
Sepse fillimisht ato duhet ti njohësh, ti shpallësh, që ti kërkosh dhe ti mbrosh!
Prandaj tre fjali priste dje populli shqiptar në Kuvend , nga kryeministri dhe ministri i jashtëm i Shqipërisë për dallgët e trazuara të detit Jon.
Tre fjali, sipas ligjeve ndërkombëtare dhe së drejtës detit.
Fjalia e parë :
Shqipëria nuk do të tërhiqet asnjë centimetër nga sovraniteti i plotë mbi 12 milje detare det nga vija bazë!
Fjalia e dytë :
Shqipëria do të ushtrojë të drejtë sovrane mbi 200 milje detare të zonës së ekskluzivitetit ekonomik
Fjalia e tretë
Shqipëria e hapur për të diskutuar dhe negociuar me fqinjët, mbi hollësitë metodike dhe teknike brënda këtyre vijave të kuqe.