Nuk ka zgjatur më shumë se 10 minuta, takimi i Presidentit Ilir Meta me kryeministrin Edi Rama në Presidencë lidhur me propozimin që Rama duhej të jepte sot për datën e zgjedhjeve të ardhshme. Pas takimit, Rama është larguar pa bërë asnjë deklaratë për mediat.
Në një video të publikuar nga Zyra e Shtypit e Presidentit, mësohen se si nisi bashkëbisedimi midis tyre.
Meta tregoi arsyen e kësja ftese: “Unë fillova të zhvillonim konsultimet për datën e zgjedhjeve, me qëllim për të ndihmuar sa më shumë për një proces gjithëpërfshirës, jo se vendosja e datës ka ndonjë rëndësi vendimtare por për të respektuar çdo ndjeshmëri apo edhe kalendarë të tjera sic janë festat zyrtare.
Në këtë drejtim do të isha i interesuar të dëgjoja edhe mendimin tuaj si përfaqësues të PS dhe të mazhorancës… Ndonjë kafe ndonjë çaj…”
