Pas publikimit të djeshëm të lajmit se Ali Ahmeti mund të japë dorëheqje nga posti i kryetarit të BDI-së, si dhe pasuesi i tij mund të jetë Artan Grubi, ka reaguar dhe ky i fundit.
Deklarata e plotë e Artan Grubit:
Në lajmin e publikuar për intervistimin e Kryetarit Ahmeti nga Haga dhe gjoja dorëheqjen e tij nga BDI nuk ka asgjë të vërtetë.
Intervistimi i z. Ahmeti zgjat vetëm dy ditë dhe është në cilësinë e dëshmitarit, ndërsa do të realizohet në Prishtinë në javën e parë të shtatorit.
Sa i përket tërheqjes, e përsëris, Ali Ahmeti është i pazëvendësueshëm për BDI-në dhe për shqiptarët, jo vetëm në Maqedoninë e veriut, por edhe në rajon dhe ai është kontribuues kyç në stabilitetin, sigurinë dhe orientimin euroatlantik të rajonit.
