Që nga koha që ka nisur Reforma në Drejtësi, por veçanërisht në periudhën e implementimit përfundimtar të saj, një fenomen skandaloz dhe alarmant po ndodh me gjyqësorin. Duke përdorur truke `ligjore` nga më të pabesueshmit, krerë organizatash kriminale dhe vrasës të certifikuar, jo vetëm që kanë shmangur burgimet e rënda e madje edhe ato `të përjetshëm`, por edhe kanë dalë të lirë.
Pikërisht këtë situatë që po ndodh me `Drejtësinë e Re` ka ironizuar me vetëm një rresht, gazetari dhe analisti i njohur Enkel Demi.
“Zonja Kim dhe të dënuarit me burgim të përjetshëm e mbështesin fortë Reformën në Drejtësi”, ka shkruar Demi në faqen e tij në FB.
