Qeveria ka vendosur të ngrejë strukturën përkatëse për parandalimin e zjarreve, në fund të muajit korrik, tashme kur pyjet dhe parqet jane perfshire ne flake ne thuajse te gjitha rajonet e vendit.
Ky vendim vjen në një kohë kur edhe sivjet qindra hektarë pyjesh, në bashki të ndryshme të vendit janë përfshirë nga flakët, ndërkohë që vendimi i Këshillit të Ministrave ka hyrë në fuqi në datën 4 gusht, duke vënë në dyshim funksionimin e kësaj strukture në situatën aktuale, raporton Scan.
Kjo strukturë ka përgjegjësi të organizojë punën për realizimin e funksioneve që lidhen me promovimin e rregullave, të metodave të veprimit, të monitorimit, të koordinimit, si dhe të organizojë punën për realizimin e funksioneve që lidhen me kualifikimin dhe trajnimin e personelit të shërbimit vendor të mbrojtjes nga zjarri dhe shpëtimi.
Javën e fundit të korrikut dhe ditët e para të gushtit zjarret përfshinë zonat veriore të vendit, si: Shkodrën, Lezhën, Kukësin dhe Dibrën, por flakët nuk munguan as në Elbasan, Korçë apo Sarandë.
