Policia njoftoi se mëngjesin e kësaj të enjteje, ka ndodhur një aksident rreth orës 7:20, në rrugën dytësore Tiranë- Durrës. Nga përplasja e dy makinave janë plagosur katër gra.
Katër pasagjeret kanë inicialet: D.M, 21 vjeçe; E.B, 33 vjeçe; L.M, 21 vjeçe dhe L.D, 42 vjeçe. Ato u dërguan në spital dhe ndodhen jashtë rrezikut për jetën.
Njera makinë në aksident drejtohej nga P.P dhe tjetra nga J.P.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.
