Thellohet bilanci i viktimave nga koronavirusi në vend, ndërkohë që në 24 orët e fundit kanë humbur jetën 3 persona. Lajmi u bë i ditur nga Ministria e Shëndetësisë.
Bie në sy se një prej viktimave, një 44-vjeçare ishte nga Tirana, e cila prej 10 ditësh e intubuar, nuk kishte sëmundje bashkëshoqëruese
Por ajo ishte obeze..
Po ashtu nuk e kanë fituar betejën edhe dy qytetarë, një 64-vjeçar nga Tirana dhe një 65-vjeçare nga Vlora me sëmundje bashkëshoqëruese.
NJOFTIMI ZYRTAR
Situata paraqitet serioze në Spitalin Infektiv, ku në 24 orët e fundit ka humbur jetën një 44-vjeçare nga Tirana, prej 10 ditësh e intubuar dhe pa sëmundje bashkëshoqëruese, perveç obezitetit. Nuk e kanë fituar betejën edhe dy qytetarë, një 64-vjeçar nga Tirana dhe një 65-vjeçare nga Vlora me sëmundje bashkëshoqëruese.
Ministria e Shëndetësisë dhe Mbrojtjes Sociale i shpreh ngushëllimet familjarëve të të ndjerëve.
