Kryetari demokristian, Nard Ndoka ironizoi me lajmin e një dite më parë se kryeministri Edi Rama i ka ofruar një pazar kreut të opozitës: Basha të bëhet kryeministër, kurse Rama të bëhet president.
Qëllimi i Ramës është që të ndalojë koalicionet, duke e ditur se ato i japin avantazh të madh opozitës.
Ndoka, në një postim online, shkruan: “Pse nuk bëhesh President i Flamurtarit”, duke qenë se Rama është deputet i Vlorës dhe ka jo pak lidhje me presidentin aktual të ekipit vlonjat.
“Një zgjidhje e mirë, mbasi do të jesh President patjetër,” vijon Ndoka, që është në koalicion me Bashën.
Rama deklaroi në mbrëmje në një intervistë se nuk ka bërë një propozim të tillë.
