Linjat urbane në Fier janë hedhur në proteste, “sepse vetëm kështu mund dhe duhet të arrihen të drejtat”, thotë kryetari i degës së PD, Luan Baçi.
Plotësisht në mbështetje të revoltës së tyre të zgjatur, prej muajsh, Baçi argumenton se ata kanë dhjetëra arsye pse duhet të ngrihen në një protestë kundër qeverisë që po i ndëshkon.
“Kanë ditë të tëra, që kërkojnë mos t’i konkurojnë në mënyrë të pandershme, por kjo qeveri e pandershme nuk do t’ia dijë, – shkruan Baçi. – Kërkojnë rregulla të pastra, kërkojnë kompensim të shpenzimeve, pasi janë të dëmtuar rëndë nga qëndrimi i gjatë pa punë.
Janë të bllokuar dhe u kërkojnë të paguajnë taksat. Janë drejt falimentit të plotë, ashtu si shumë biznese të tjera në vend dhe qeveria vetëm tallet dhe i vjedh.”