Nga fillimi i këtij viti në Policinë e Shtetit janë denoncuar një numër i lartë vjedhjesh ku vetëm në 3 muaj janë regjistruar 1020 raste.
Numri më i lartë i këtyre rasteve kanë ndodhur në periudhën janar-maj, ku numërohen rreth 1500 denoncime.
Në krahasim me të njëjtën periudhë të vitit të shkuar, zbulueshmëria e krimeve është në ulje pasi u dokumentuan 214 vjedhje.
Gjatë kësaj kohe, kebërësit kanë tentuar të grabisin më së shumti banesat e braktisura kryesisht në zonat e thella ose në bregdet.
Felaj: Nga të dyja raportet konfirmohet se veprat penale që kanë tendencë më të lartë rritjeje dhe përhapjeje, janë ato që rriten me vjedhjen. Na ka rezultuar se shqetësimi më i madh i policisë në territor ka të bëjë me vjedhjen, sidomos me banesat e braktisura, apo që janë zonën e bregut të detit, e në zonat e thella.
Krahas kësaj kategorie nuk kanë munguar as rastet e vjedhjeve të banesave në brendësi të kryeqytetit.
Kjo është një nga banesat që gjatë 5 muajve ka rënë pre e vjedhjes, autorët e të cilës ende nuk janë identifikuar, por dyshohen se janë azilantë.
Pronari i banesës në zonën e Babrusë, Asif Islami thotë se nga frika për rikthim të hajdutëve është detyruar të veprojë për të rrethuar shtëpinë me hekura.
Vepra penale e vjedhjes pasohet nga drejtimi i mjetit pa patentë ose në gjendje të dehur e më pas vjen ndërtimi i paligjshëm, pastaj vijnë narkotikët, dhuna në familje dhe shkatërrimi i pronës./Ora News.tv
