Ish deputeti i PD Luçiano Boçi ka publikuar ne Facebook foton e nje bisede ne Facebook, nepermjet te ciles denoncon faktin se mesuesit e matures po kercenohen.
Postimi i plote:
PIKA E DEGRADIMIT TË MATURËS
Matura e sivjetme është e kontestuar jo vetëm nga maturantët, por dhe nga mësuesit.
Këta e dinë aq mirë shkallën e degradimit të maturës, sa hezitojnë të jenë aktivë në procesin e administrimit.
E ndërgjegjshme për këtë, Ministria e nervozuar nuk harron t’i dërgojë hezitantëve mësuesë, mesazhe kërcënuese për pushime nga puna.
Një dhunë e pakufi dhe sistematike kjo, ndaj mësuesve.
Më turp e zi s’ka ku të shkojë.
Ministria ka humbur çdo logjikë e etikë.
Kërcënimet e tilla dëshmojnë pikën fundore të degradimit të maturës dhe rrënimin e këtij institucioni, me drejtuesë mjeranë e të paaftë.
