Përfaqësuesi special i BE-së për dialogun Beograd-Prishtinë Mirosllav Lajçakka bërë sot një status mbi mundësinë e rinisjes së dialogut mes Kosovës e Serbisë. Por në status, Lajçak ka folur për dialogun Beograd-Serbi!
“Ekipi im i Brukselit si përfaqësues special për Dialogun Beograd-Serbi dhe çështje të tjera rajonale të Ballkanit Perëndimor u takuan për herë të parë me të gjithë anëtarët sot. Diskutuam punën tonë në muajt në vazhdim!”, shkruante ai në twitter.
Ndoshta kjo është vetëm një gafë shpejtësie në të shkruar e z.Lajçak. Por kujtojmë se kjo vjen në kohën kur pazaret për ndarjen territorial kanë dalë në shesh, dhe sipas atyre që janë parashikuar në shkëmbimin e territorive më e favorizuara është Serbia. Kujtojmë këtu edhe lobet e fuqishme të përfshira në këto negociata sekrete, ku së fundmi është zbuluar edhe rolit i Thaçit dhe Ramës, ndonëse ky i fundit ende në prapaskenë ..Dhe mos ndoshta Lajçak ka thënë një të vërtetë pa dashur…