Ish-deputetja e Partisë Demokratike, Orjola Pampuri ka publikuar ne Facebook një video ne te cilen shihet që forcat e rendit kanë qenë të armatosur gjatë ndërhyrjes në ambientet e Teatrit Kombëtar, ndërsa kishte nisur aksioni për shembjen e tij.
Ndërsa kryeministri Rama mohoi sërish sonte se policia ishte e armatosur, Pampuri thotë se, kreu i qeverisë aktron dhe mohon gjithçka.
“Ky eshte Edi Rama, kryeministri me personalitet te shumefishte. Police te armatosur, te dhunshem, me urdher te ketij personazhi psikopatologjik ne krye te shtetit, i cili nga njera ane urdheron te dhunohen artiste, e qytetare te ndershem, nga ana tjeter, aktron e mohon gjithcka. Vota e qytetareve do te jete fundi i tij”, shkruan Pampuri.
