Ditën e sotme u raportua më mediat se SPAK, Prokuroria e Posaçme kundër Krimit dhe Korrupsionit prej 10 ditësh nuk merr përgjigje nga Ministria e Shëndetësisë për tenderat sekretë, për të cilat ka filluar edhe një hetim. Po kështu u zbardhën edhe 5 pyetjet që SPAK i ka dërguar MSH-së për këto tendera.
“1-Çfarë procedure është ndjekur në tenderat e zhvilluar? 2-Çfarë klasifikimi sekret dhe çfarë niveli sekret kanë tenderat e zhvilluara nga ky institucion? 3- Numrin e tenderave të zhvilluar me procedurë sekrete? 4-Sa është vlera e tenderave me procedurë sekrete? 5-Çfarë është blerë me këto tendera?, janë 5 pyetjet që SPAK i ka drejtuar Manatirliut, raporton Report Tv. Sipas kësaj medie nëse SPAK në fillim javës nuk do të ketë një përgjigje nga institucioni Shëndetësisë, hetuesit do zbarkojnë në këtë institucion për të bastisur zyrat dhe për marrë dokumentet e kërkuara.
